Algengar spurningar

Svör við algengum spurningum

Almennar spurningar Aðgengi Staðsetning Aðrar spurningar

Almennar spurningar

Hvað er Volcano Express?

Volcano Express er æsispennandi upplifun þar sem kröftum íslenskrar náttúru er miðlað á einstakan hátt. Við þróuðum sætiskerfi sem er einstakt á heimsvísu og gerir það að verkum að gestir okkar fá að njóta kynngimagnaðrar upplifunar sem veitir innsýn í ógnarkraft íslenskra eldsumbrota.

‍

Þú ferðast yfir virk eldfjöll á Íslandi og sérð stórbrotna náttúruna leika listir sínar. Þú finnur fyrir hita glóandi hrauns og krafti jarðskjálfta og eldgosa. Þannig færð þú að upplifa land elds og íss á hátt sem áður hefur ekki sést!

Hversu lengi varir Volcano Express upplifunin?

Volcano Express upplifunin varir í 15–45 mínútur. Ferðalagið hefst á upphitunarsvæðinu, sem veitir innsýn í ægilega krafta eldgosa í gegnum fjórar stuttmyndir, jarðskjálftamæla og eldgosakort. Að því loknu ferðast þú í lofti um stórkostlegt landslag Íslands og niður að miðju jarðar!

Hvað get ég búist við á meðan á upplifuninni stendur?

Á meðan Volcano Express upplifuninni stendur mátt þú búast við spennandi og fræðandi innsýn í eldfjöll Íslands og áhrif þeirra á líf fólks í landinu. Þú munt finna fyrir hita hraunsins og kulda íslensks vetrar, sem og hreyfingum flugsins og kraftmiklum jarðskjálftum eins og algengt er að landsmenn upplifi í aðdraganda eldgoss.

Á meðan sýningunni stendur situr þú í háþróuðum sal búnum framúrskarandi hreyfisætum. Í tíu mínútur ferðast þú frá hjarta Reykjavíkur til afskekktra fjallatinda og 800 ár aftur í tímann og lærir allt um hvernig eldfjöll hafa mótað þjóðina okkar.

Er Volcano Express við hæfi fyrir alla aldurshópa?

Volcano Express er við hæfi fyrir alla frá fjögurra ára aldri. Til að taka þátt í upplifuninni þarftu að vera að minnsta kosti 100 cm á hæð.

Getur upplifunin vakið óhug?

Volcano Express er spennandi ferð sem ferðast með þig um helstu eldfjallaundur landsins. Ferðin er sannkölluð veisla fyrir skilningarvitin og spennandi innsýn í land elds og íss.

Það skal þó tekið fram að Volcano Express er alveg örugg upplifun og ætti ekki að gera neinn hræddan.

Eru einhverjar líkamlegar takmarkanir fyrir þátttöku í sýningunni?

Til að njóta ferðarinnar þarftu að vera að minnsta kosti 100 cm á hæð. Ef þú ert með fötlun eða treystir þér ekki til að upplifa sýninguna í hreyfisætum, getur þú nýtt þér svæði sem er ætlað hjólastólanotendum. Þar getur þú upplifað sýninguna í allri sinni dýrð með hljóðum og sjónrænum áhrifum.

Hversu raunveruleg er upplifunin?

Volcano Express er eins nálægt raunverulegri eldfjallaferð og mögulegt er. Við höfum hannað sætakerfið eftir raunverulegum jarðskorpuhreyfingum og búið til heildræna upplifun sem veitir þér innsýn inn í virkni eldgosa og aðdraganda þeirra.

Er upplifunin örugg?

Volcano Express upplifunin er alveg örugg. Sætakerfið er vandlega prófað til að tryggja öryggi og er búið öryggisbeltum og skynjurum til að tryggja að ferðin verði sem best fyrir alla.

Við erum þó með kraftmikil hreyfisæti og flöktandi og blikkandi myndefni. Ef þú ert með heilsufarskvilla sem gætu versnað við sjónrænt áreiti eða í hreyfisætum okkar ættirðu ekki að bóka ferðina eða gera það á eigin ábyrgð.

Má ég koma með mat eða drykki inn í sýninguna?

Vinsamlegast skildu allan mat og drykki eftir fyrir utan sýningarsalinn. Þar eru hillur sem þú getur geymt eigur þínar á meðan þú nýtur upplifunarinnar. Auk þess finnur þú marga góða veitingastaði í og við Hörpu.

Er upplifunin í boði á mismunandi tungumálum?

Volcano Express er sýnt bæði á ensku og íslensku.

Aðgengi

Hversu örugg er Volcano Express?

Volcano Express er algjörlega öruggt ferðalag. Ferðin er búin þægilegum sætum, öryggisbeltum og skynjurum til að gera upplifunina eins þægilega, aðgengilega og skemmtilega og völ er á.

‍

Hafðu þó í huga að hreyfisætin og sjónrænt áreiti gerir það að verkum að ferðin hentar ekki fyrir áhorfendur með heilsukvilla sem gætu versnað við þessar aðstæður.

Eru einhverjar heilsu- eða öryggisráðstafanir sem ég ætti að hafa í huga?

Volcano Express er opið öllum sem eru eldri en fjögurra ára og að minnsta kosti 100 cm á hæð. Ef þú ert með hjartasjúkdóm, langvinna verki eða heilsukvilla sem getur versnað við flöktandi ljós gæti því miður verið að sýningin henti þér ekki.

Hluti af upplifuninni er kraftmikið hreyfisæti sem líkir eftir jarðskjálfta. Ef þú ert barnshafandi, ert með fötlun eða líður ekki vel í slíkum sætum, er hefðbundið sæti í boði þar sem þú getur notið ferðarinnar.

Ég er barnshafandi, er öruggt fyrir mig að taka þátt?

Við mælum með því að barnshafandi einstaklingar upplifi sýninguna í venjulegu sæti og komi sér þægilega fyrir á svæði fyrir hjólastóla.

Er ferðin aðgengileg fyrir gesti með fötlun?

Fólk með fötlun og þau sem nota hjólastóla geta tekið þátt í Volcano Express án hreyfisætanna. Við bjóðum upp á sérstakt svæði þar sem þú getur notið sýningarinnar.

Ég er með flogaveiki. Eru einhverjir mögulegir þættir í sýningunni sem ég ætti að hafa í huga?

Ef þú ert með flogaveiki sem getur versnað við sjónrænt áreiti er koma þín í Volcano Express á eigin ábyrgð. Mögulegir þættir sem geta kallað fram flog fara eftir næmni hvers og eins, en í grunninn er ljósnæmisupplifunin svipuð og að horfa á 9 mínútna mynd í kvikmyndahúsi.

Er Volcano Express aðgengilegt fyrir hjólastólanotendur?

Já, fólk sem notar hjólastóla getur tekið þátt í Volcano Express. Það er sérstakt svæði þar sem þú getur notið upplifunarinnar án hreyfisætanna.

Eru einhver þjónustuúrræði í boði fyrir gesti með fötlun?

Volcano Express er staðsett í Hörpu, tónlistar- og ráðstefnuhúsinu. Byggingin er mjög aðgengileg og býr yfir rúmgóðum lyftum sem eru aðgengilegar fyrir alla.

Hvað ef gestir eru viðkvæmir fyrir ljósum, hljóði eða mikilli hreyfingu?

Volcano Express er stórbrotin upplifun sem felur í sér ljós, hljóð og hreyfð sæti sem gera ferðalagið að því sem það er. En ef fólk er mjög viðkvæmt fyrir flöktandi ljósum, hljóðum eða hreyfingu, tekur það þátt á eigin ábyrgð. Við bjóðum gestum okkar upp á að njóta ferðalagsins úr venjulegum sætum í stæði til hliðar.

Er sæti í boði á meðan á sýningunni stendur fyrir þá sem þurfa á því að halda?

Allir gestir eru með sitt eigið sæti á meðan á sýningunni stendur. Flestir gestir njóta Volcano Express í hreyfisætum en ef þú notar hjólastól eða vilt ekki upplifa hreyfingarnar, þá er sérstakt svæði með sætum í boði.

Eru leiðsögudýr leyfð í Volcano Express?

Leiðsögudýr eru velkomin í Hörpu.

Staðsetning

Hvar er Volcano Express staðsett?

Volcano Express er staðsett í Hörpu tónlistar- og ráðstefnuhúsinu, Austurbakka 2, 101 Reykjavík. Fyrir frekari upplýsingar getur þú skoðað staðsetningarsíðuna okkar.

Hvernig kemst ég að Volcano Express í Hörpu?

Harpa er í miðbæ Reykjavíkur og þangað er mjög auðvelt að komast með öllum helstu samgöngum. Staðsetningin er afar þægileg og aðeins í nokkurra mínútna göngufjarlægð frá Lækjartorgi, sem er ein af helstu samgöngumiðstöðvum borgarinnar.

Fyrir frekari upplýsingar um hvernig best er að komast í Hörpu með strætó bendum við á vefsíðu Strætó. Þar getur þú fundið komu- og brottfarartíma og skipulagt ferðina þína. Ef þú kemur á hjóli eru hjólastandar staðsettir austan við tónlistarhúsið og í bílastæðakjallaranum.

Fyrir þá sem vilja koma á bíl bendum við á bílastæðakjallara Hörpu.

Eru bílastæði í boði nálægt Volcano Express?

Já, það eru bílastæði í boði í bílastæðakjallara Hörpu. Við bendum á vefsíðu Reykjavíkurborgar til að fá upplýsingar um önnur bílastæði.

Hvernig kemst ég að Volcano Express með almenningssamgöngum?

Besta leiðin til að komast í Volcano Express er að nýta sér almenningssamgöngur. Harpa er aðeins í nokkurra mínútna göngufjarlægð frá Lækjartorgi.

Við bendum á vefsíðu Strætó til að skoða tímatöflur og skipuleggja ferðina þína.

Hvaða kennileiti eða áhugaverðir staðir eru í nágrenni við Volcano Express?

Volcano Express er staðsett í Hörpu, tónlistar- og ráðstefnuhúsinu. Glæsileg hönnun, hafnarútsýnið og fjölbreytt dagskrá menningarviðburða gerir Hörpuna að einum vinsælasta áfangastað Reykjavíkur.

Skoðaðu nánar hér.

Þar sem Harpa er í miðbæ Reykjavíkur, eru mörg önnur kennileiti og áhugaverðir staðir í næsta nágrenni, þar á meðal:

Sólfarið (Sun Voyager)
Hallgrímskirkja
Hið íslenska reðasafn
Regnbogagatan (Skólavörðustígur)
Sjóminjasafn Reykjavíkur
Og margt fleira!

Eru kort eða leiðbeiningar í boði á vefsíðunni?

Þú getur nálgast nánari upplýsingar um staðsetningu Volcano Express, þar á meðal kort og leiðbeiningar, á staðsetningarsíðu okkar.

Aðrar spurningar

Hvernig get ég pantað miða á Volcano Express?

Þú getur pantað miða á Volcano Express í gegnum vefsíðuna okkar. Kaupa miða. Þú getur einnig keypt miða í miðasölu Hörpu. Þar sem sætaframboð er afar takmarkað mælum við alltaf með því að bóka miða fyrir fram.

Get ég breytt eða aflýst bókuninni?

Já, þú getur breytt eða aflýst bókun þinni á netinu.

Þarf ég að prenta út miðana mína eða get ég sýnt rafrænt?

Þú þarft ekki að prenta miðana þína út. Rafrænir miðar eru alltaf gildir á Volcano Express. Það er líka betra fyrir umhverfið!

Eru hópafslættir eða sértilboð í boði?

Við leggjum áherslu á lágt verð fyrir alla og bjóðum því ekki upp á sérafslætti fyrir hópa. Hægt er að bóka marga miða í einu á vef okkar en ef hópurinn telur fleiri en tuttugu einstaklinga mælum við með að bóka í gegnum midasala@harpa.is

Hvernig á ég að klæða mig fyrir þessa upplifun?

Í Volcano Express ferðastu um magnað landslag Íslands en situr um leið í þægilegu sæti. Þú getur því klæðst því sem þig langar að vera í.

Við bjóðum auk þess upp á fatahengi þar sem gestir geta geymt yfirhafnir, töskur og aðra persónulega muni.

Get ég keypt miða á Volcano Express við innganginn eða þarf ég að bóka fyrir fram?

Þar sem sætaframboð í Volcano Express sýningunni er afar takmarkað mælum við alltaf með að bóka miða fyrir fram. Það er þó hægt að kaupa miða við afgreiðsluborð Hörpu.

Eru myndatökur eða upptökur leyfðar á meðan á sýningu stendur?

Volcano Express er kvikmyndaupplifun með myndum og hljóði. Öll myndataka og önnur upptaka er því stranglega bönnuð. Á meðan á sýningu stendur biðjum við alla um að slökkva á myndavélum og símum.

Hversu snemma ætti ég að mæta fyrir bókaðan tíma?

Við mælum með að þú mætir 15 mínútum áður en sýningin byrjar svo þú missir

ekki af neinu. Vertu þó viss um að hafa tíma eftir upplifunina til þess að njóta alls hins besta sem Harpa hefur upp á að bjóða.

Er gjafavöruverslun?

Það er gjafavöruverslun á fyrstu hæð Hörpu. Þar getur þú keypt íslenska hönnun og fallega minjagripi.

Hvern get ég haft samband við ef ég er með fleiri spurningar?

Ef þú ert með fleiri spurningar sem við höfum ekki svarað, ekki hika við að hafa samband! Skoðaðu tengiliðasíðu okkar fyrir frekari upplýsingar.

Ekki missa af neinu.
Skráðu þig á póstlistann.

Tölvupóstfang

Takk fyrir skráninguna!

Úps! Eitthvað fór úrskeiðis við að senda eyðublaðið.

Algengar spurningar

Almennar spurningar

Aðgengi

Staðsetning

Aðrar spurningar

Upplýsingar fyrir gesti

Um UPPLIFUNINA

Frekari upplýsingar

Algengar spurningar

Almennar spurningar

Hvað er Volcano Express?

Hversu lengi varir Volcano Express upplifunin?

Hvað get ég búist við á meðan á upplifuninni stendur?

Er Volcano Express við hæfi fyrir alla aldurshópa?

Getur upplifunin vakið óhug?

Eru einhverjar líkamlegar takmarkanir fyrir þátttöku í sýningunni?

Hversu raunveruleg er upplifunin?

Er upplifunin örugg?

Má ég koma með mat eða drykki inn í sýninguna?

Er upplifunin í boði á mismunandi tungumálum?

Aðgengi

Hversu örugg er Volcano Express?

Eru einhverjar heilsu- eða öryggisráðstafanir sem ég ætti að hafa í huga?

Ég er barnshafandi, er öruggt fyrir mig að taka þátt?

Er ferðin aðgengileg fyrir gesti með fötlun?

Ég er með flogaveiki. Eru einhverjir mögulegir þættir í sýningunni sem ég ætti að hafa í huga?

Er Volcano Express aðgengilegt fyrir hjólastólanotendur?

Eru einhver þjónustuúrræði í boði fyrir gesti með fötlun?

Hvað ef gestir eru viðkvæmir fyrir ljósum, hljóði eða mikilli hreyfingu?

Er sæti í boði á meðan á sýningunni stendur fyrir þá sem þurfa á því að halda?

Eru leiðsögudýr leyfð í Volcano Express?

Staðsetning

Hvar er Volcano Express staðsett?

Hvernig kemst ég að Volcano Express í Hörpu?

Eru bílastæði í boði nálægt Volcano Express?

Hvernig kemst ég að Volcano Express með almenningssamgöngum?

Hvaða kennileiti eða áhugaverðir staðir eru í nágrenni við Volcano Express?

Eru kort eða leiðbeiningar í boði á vefsíðunni?

Aðrar spurningar

Hvernig get ég pantað miða á Volcano Express?

Get ég breytt eða aflýst bókuninni?

Þarf ég að prenta út miðana mína eða get ég sýnt rafrænt?

Eru hópafslættir eða sértilboð í boði?

Hvernig á ég að klæða mig fyrir þessa upplifun?

Get ég keypt miða á Volcano Express við innganginn eða þarf ég að bóka fyrir fram?

Eru myndatökur eða upptökur leyfðar á meðan á sýningu stendur?

Hversu snemma ætti ég að mæta fyrir bókaðan tíma?

Er gjafavöruverslun?

Hvern get ég haft samband við ef ég er með fleiri spurningar?

Ekki missa af neinu.Skráðu þig á póstlistann.

Upplýsingar fyrir gesti

Um UPPLIFUNINA

Frekari upplýsingar

Ekki missa af neinu.
Skráðu þig á póstlistann.